بسم الله الرحمن الرحيم

اكيد دايماّ بتقبلنا كلمات كده بنسمعها من ناس ومبنفهمش معنها
ونقول ده عربى ولا ايه
زى متلا لما تقابل واحد على الصبح ويقولك
انا عايز اعمل استمورنيج
طبعاّ واحد ملوش فيها سورى فى اللفظ مش هيفهم ده بيتكلم فى ايه
وانا بقى عايز تفهم كل كلمه طايرة
نبتدى بقى بالقاموس

استمورنيج
كلمة بتتقال على الصبح كده والغرض منها
فطار او شرب شاى او سجارة على الطاير كده


الأبلتين لدع في دهاليز الحياة
لما يكون الواحد مفلس والدنيا خربانة معاه

أعمل دماغ
طبعاّ معروفة قوى لأصحاب الدماغ العالية
مش محتاجة شرحووو

أديها جاز
دى بقى بتتقال فى خناقة لو واحد ابن حلال عايز يشعلل الخناقة
يروح للي بيتخانق ويسخنه

أختفي شوية
معناها متظهرش هنا دلؤقتى لو فى مشكلة او اى موضوع
لحد ما الدنيا تهدى

أليط
بتتقال على الشخصية التنكة

أتشبح
ودى بقى معنها ضرب غباء
يعنى فى خناقة لما تضرب حد بغباء شوية
ممكن تقول انا شبحته

إتــم
ودى بقى بتتقال على الشخصية
الرخمة والغلسة والتنحة واللى بتتجمع فيه مجموعة صفات سبئ

أزبهل
ومعنها الاستغراب الشديد من موقف معين
وبتقال كده _ انا مزبهل

أتوبيس راجع بضهره
ودى بتتقال على البنت القبيحة

أنش
ودى بتتقال على العيل الغلبان قوى لدرجة الهبل
وبتقال كده _ ده عيل أنش

أملي التنك
ودى بتتقال فى حالة الجوع
ومعنى التنك فى العبارة المعده

أمبلايز
لما تكون بتعمل موضوع وميتمش
بتقول ساعتها الحياة فى الأمبلايز
يعنى الموضوع فشل

أبجني تجدني
وده جمله خاصة بالشخصيات المصلجية
ومعنها ادينى فلوس اعملك موضوعك

أعلن فراري
ومعنها الانسحاب
يعنى مثلا لو بتتكلم مع واحد صاحبك وزنقك فى حوار
بتقول انته ساعتها
انا بعلن فراري