هل هو اعمى !!!!

موضوع: هل هو اعمى !!!! السبت أبريل 24, 2010 3:03 am

هل انت اعمي

هل انت اعمي..او بمعني اصح انت بتحب؟؟
حد هيقول اعمي ازاي الحب اعمي لاطبعا(يبقا انت بتحب)
حد تاني هيقول كلامك صح اعمي ومنيل بنيله(يبقا انت شكلك خدت مقلب)
طب اعمي ازاي..

هقولك انا
اول حاجه لما بتحب بتشوف الحاجات الجميله في حبيبك وبتنسا عيوبه

ومعلش هقولكم كلمتين قولتهم في اغنيه انا كاتبها

بتقول
(ماهو اللي يحب بيبقا حبيبه.. اجمل حاجه في حياته
ولا بيرضا يشوف عيبه.. ولابتهمه غلطاته)
__________
مش دا اللي بيحصل ؟
يعني في اوقات كتير..

طب دا مش بأمانه عمي..طيب ماشي دا العمي المضر اللي بيبقا غلط

طيب تعالي بقا علي العمي الجميل...افتكر اليوم اللي انت حبيت فيه..افتكر
اليوم اللي قبله كنت عامل ازاي طبعا طهقان من الدنيا هههههههه ..
طب اليوم اللي حبيت فيه اكيد روحت البيت يا سلام مزقطط وفرحان ومش قادر
تصدق نفسك..وصحيت تاني يوم بدري وشربت اللبن وغسلت وشك والغريبه انك بتضحك
طول اليوم..الله ياعم انت مش كنت لسه مدايق وطالع عيني..وشايف الدنيا وحشه
وفيها بلاوي..ايه اتعميت ولافتحت عنيك..

الحب اوقات كتير بيعمل زي سحابه سودة علي العقل ..بس مع الوقت السحابه
السودة بتبتدي تروح واحده واحده وتشوف اللي انت بتحبه علي حقيقته..وياسلام
لو فجأه سيبتوا بعض تقول انا استحملته كتير كان في عيوب وبلاوي وكذ
وكذا..طب هو انت كنت اعمي؟
الحب ممكن يخليك احسن انسان في الدنيا..وممكن يخليك اتعس انسان في الدنيا
الحب مرحله جميله لو استمرت هتعيش حياه مافيش اجمل منها..ونداء الي كل اعمي
اقصد كل واحد بيحب حاول تتمسك بحبك اكيد هتبقا اسعد انسان في الدنيا..

وعايزكم تقولوا رأيكم هو الحب اعمي فعلا؟؟

سلمت يداك

تسلم يا مان