1- الشعر

تلاقي واحد توتو يوقفه من النص كدا ويكون عامل زي عرف الديك ويكون زي ديك البراري

التوتو التاني ضارب شعره فازلين وفي الخلاط ومزيته بزيت عربيات عشان يلزق في بعضه وينام لانه اصلا شعره ليفة مواعين

التوتو التالت يكون فرحان ان شعره خشن ويطوله وينكوشه ويبقى زي القنفد

التوتو الرابع يكون شعره طويل ويلمه ديل ارنب بتوكه استك

2-الوش

التوتو لازم يلبس نضارة شمس في الشمس والضل لابسها

في المدرج والاتوبس لابسها اصلها لزوم التوتنه

التوتو بقى يكون عملك ذقنه بموسين ويقلد ففتي سنت وهو جسمه ميجبش جسم صرصار

المناخير ودي الجديده بقى في التوتو الاصلي بقى اللي يحطلك فيه حلق

3- ننزل للرقبه

التوتو لازم يكون لابس سلسله وفيــها صورة صندل

هو ومستواه بقى ممكن تكون فضى

دهب

دهب صيني

او دهب قشره المهم المنظر وانه يبقى توتو

4-القميص

يكون هيفرقع من عليه لازم يبقى ضيق جدا

ويكون بيلمع يكون ماشي ملعلع كدا يكون زي بدلة الرقص اللي بتبقى في الشارع بالليل

ولو عندو شوية عضلات في درعاته صيف شتا التوتو لابس القميص النص كم الضيق اوي

وفي التوتو بقى اللي يلبس القميص ويفتحه لغيط شراب رجليه

5-التيشيرت

في بعض من التوتو يلبس التيشيرت فوشيا مثلا

والبعض الاخر من التوتو يلبسه عليه جليتر

والبعض يلبسه ضيق اوي برضه عشان يبين حبة العضلات

6-البنطلون

بعض من التوتوهات يلبسه ويكون مقطع من كل حته واسمها موضه

والبعض من التوتوهات يلبسه عشان بس يغطي ركبه بس

والباقي فما فوق بيقوم بيه البوكسر ..الشئ الخارجي مش الداخلي

وعلى الونات البوكسر بقى

والتوتو يلبس البنطلون ويكون فيه سلسله لزوم الشخلعه لما يرقص
في بقى اييييييييييييه

في التوتو اللي بيكسل وبيلبس بنطلون البيجامه وينزل المربعات الجديد ده

وفي البطلون الضيق اويييييي

7- الاكسسورات

زي ما قلنا فوق السلسه

والانسيال بكل اشكاله

والايشارب الصغير اللي بيلفوه علي ايدهم ..اللي اسمه بندانا عند البنات

والخطه الجايه هيلبسولهم خلخال

مشكور للموضوضوع الاكثر من رائع