....مولد.....

موضوع: ....مولد..... الجمعة ديسمبر 10, 2010 5:07 am

ادى مولد وكان طراطير
عسكر واقف ماسك زمامير
وفيه عالم واقفين طوابير
نفسها تسمع وتشوف تغيير
********************
وسط الزحمه سامعين اصوات
كلام نسوان وعوبل وعياط
وسمعنا بتاع الشعارات
قال خايف م الانتخبات
********************
يا راجل وده اسمه كلام
وانت بأيدك الزمام
سيبكم منهم دول اوهام
بس قول هتدفع كام
********************
ممكن اضحى بخيلى وفرسى
ومن بنوك اوروبا بحصصى
وابيع كمان انا ابنى مرسى
بس لايمكن اسيب الكرسى
********************
سيبك منهم دول مجانين
شعبك غلبان مش حاسين
بص كده شايف ساكتين
قول خايف يا زعيم من مين
********************
ليه هاندى للى منعرفوش
اللى نعرفه منسبهوش
بالذمه مش احسن من بوش
خلق تخاف ماتختشوش
********************