/// في حضن النيل ///

.
ف وسط كتير من العشاق بيتلاقوا
إيديهم حاضنها بعضيها وكلامهم همس

للحظة حب يشتاقوا...
وأحلامهم أمل فيها ماتعرف يأس

ف حضن النيل...
مراكب شايلة أحلامهم معدية
بتوصل برها وهيً تهون أي صعب وويل..

ويتحاكوا وما يملوا
بأبسط شيء بيتسلوا
بحبة لــــب....
بيكبر جوه منهم حـــب..
أمل بكره وعيون عاشقين
وبيت يكبر ومتعاهدين
هنفضل ويا بعض سنين
ماهيفرقنا غير الموت
وطول ما أنا فيا نبض وصوت
هكون ليكي
وهحميكي من الدنيا..
هنا ف ثانية
يكون ضي القمر راسم
قلوب بالعشق سهرانة
وطمعانة يطول الليل ..
ولو برد الشتا يٌقرص
ياخدها ف حضنه ويحسس
ع خدودها يدفيها
ويتمايل يسوق فيها
بتضحكله عشان عارفاه
بيعشقها...
ومستنية يجي اليوم يكون ليها..
وبتلالي نجوم الليل
ونسمة من هوا سارح
معاها تميل ..
مراكب ماشية سهرانة ف حضن النيل...

[ندعوك للتسجيل في المنتدى أو التعريف بنفسك لمعاينة هذا الرابط]