البحر بيضحك لي وانا ماشية اتدلع أملى الأولل
الا هي الاغنية كدة ولى أنا سمعاها غلط
وهما من ايمتى بيملوا الأولل من البحر !! يمكن كانت اللي بتملي عاوزة تشّرب البحر لجوزها اللي مطفحها السم ..
إلا مالهم الرجالة اليومين دول الواحد فيهم ما عدش يملى عينيه الا التراب
تلاقيه بيتفرج على التلفزيون ومش عايز يرمش خايف تروح عليه نظرة من بنت الوهبى ولى بنت العجرم ولو مرت مراتو من جنبو يعمل فيها راجل يشخط وينطر ويسمعها كلمتين في عضمها ..
:هما دول ستات وانتي ست,,
طبعا ما هي ما نفختش شفايفها بالسيلكون ولا عملت لنفسها خلفيه ثقافية تلفت نظرو بيها
يا عيني عليها طول نهارها بالطبيخ وشغل البيت وتدريس العيال وهو يا دوبك يخش من الشغل مكشر يصرخ بدة ويعّلي صوتو على دة وياكول اللقمتين ويروح نايم ليقوم على صوت الموبايل أصلو مواعد زمايلو يشوفو المطش بالأهوة وأما يرجع البيت يحط بوزو بالتلفزيون وهات يا بحلقة وياني من التعليقات السخيفة اللي بيقولها وهي بتعمل نفسها مش دريانة بحاجة حتى ما تتخانقش معاه وتروح بينهم اسبوع خصام
ولايمتى حيشوف بتوع الهشك بشك أحسن منها دي آخر مرة سمعت فيها كلمة حلوة منو يجي من ايام الجواز المهبب الأولى
طيب ما يمكن تلاقي أي حد يقلها كم كلمة غزل وهي رايحة تودي الواد المدرسة ويمكن يعبرها ويخليها تحس انها ست زي مخليق ربنا بتوع التلفزيون وتروح مديالو ودنها يبقى ايه اللي ح يحصل
أكيد مش ح يعترف ساعتها سبع البرومبة انو السبب وحيديلها كلمتين يا كسوفها لما ح تسمعهم
يا ... يا ... يا ....
طيب وهو ساعتها حيكون يا إيه ؟؟؟!!!
النشاط
موضوع: البحر بيضحك لي وانا ماشية اتدلع أملى الأولل 
الخميس أغسطس 26, 2010 6:03 pm