افرح ياض طلعلك شنب ...... يافرحة امك بيك

شنبك ينبِّت فى وشك .. تشرب سجاير فرط .. تعاكس بنات فى الشارع .. تلبس القميص من غير فانله داخلية .

.ثم.. مبروك.. بقيت راجل يا معلم !

الست لما .. لما لما .. يعينى لما

اعتقد انكم تعرفون هذا المقطع الشهير من الأغنيه الشعبيه ايها اللى
بيغنيها واحد مش مهم خالص, لكن انا لقيتها مدخل كويس للكلام اللى هايتقال
دلوقتى والكلام دا مش موجه للست

بس للراجل كمان سؤال..((هو راجل البيت عمل ايه عشان يكون راجل البيت))

صاحب الكلمه المتحكم فى كارثة الدخول والخروج

غير انه صحى فى يوم من الايام لقى شعر
ابتدى يظهر تحت مناخيره ولما سأل صاحبه فى
المدرسه قاله دا شنب

دلوقتى ممكن تدخن سجاير فرط .. انت راجل

وهنا بص حواليه بعد ما ملأ صدره بالهواء

يبحث عن اى شىء يستعرض عليهه رجولته ,

ضرب عيل صغير فى طريفه ,

يعاكس البت دى

ويسمع شتيمه دى تدخل زى السهم فى ودنه

ويشعر بألم من اذنه الوسطى مش بسبب الشتيمه لأ .. بسبب ضريه من شنتطها ..

دلوأتى بيلبس القميص من غير فانله داخليه

راجل .. ليه محاوله فى شرب السجاير فى الحمام .. راجل .. بس يا خساره اتقفش بعد تانى نفس

يضرب اخته .. راجل .. حطى حاجه على شعرك وانتى نازله يا بت
انتى ماشيه بتتقصعى كده ليه؟

ملحوظه: اخته عندها ست سنين .. لكن راجل .. يعمل ايه بقى الراجل ده. لو
اتولد فى قبيله (ميناروا) فوق فى جبال الهيمالايا على بعد 6 آلف قدم من
الأرض , محدش يقول وفيها ايه ..

انتو الاول عارفين ايه هيا قبيله (ميناروا)

دى مملكه قديمه اوى اكتشفها مغامر فرنسى اسمه ((ميشيل بيسيل)) فى اوائل
القرن الـ18 المملكه دى الحكم فيها للستات والراجل هناك يقول نعم وحاضروبس
من غير اى مناقشه

الحياه هناك طبيعيه جدا بيوت فيها ستات واطفال ورجاله بتزرع وتصنع وناس بتسعى طول النهار لكن كله بامر الست

وفى مكان عالى قاعده ست جميله جدا على كرسى ضخم متذوق بجماجم رجاله وهى لابسه عقد من صوابع اديهم ورجليهم

دى زعيمة العصابه .. اقصد زعيمة القبيله اللى مستبعده كل الرجاله لدرجة ان
الست هناك بتتجوز اكتر من راجل فى وقت واحد وبتعاملهم بوحشيه شديده

والرجاله ياعينى عاملين زى الارانب (بيسيل) المكتشف الفرنسى مقدرش يقعد فى
قبيلة (ميناروا) اكتر من ست شهور وألا كانوا الرجاله اللى هناك هايذيدو
واحد .

لحظه بس قبل البنات اللى بتقرأ ماتسرح

بخيالها وتقول اد ايه المملكه دى فيها عيشه ممتعه تعالو احنا يا رجاله لو احنا هناك هانقدر نتكيف مع الوضع دا ازاى !!

زعيمة قبيله زى القمر لكن عذراء ومحدش يقدر يلمسها

زى ما بيقول الجد المكتشف الفرنسى ده

. واللى يفرسك كمان ان الرجاله هناك
شنبتها يقف عليها الصقرفعلا

لكن مالهوش لزمه .. ديكور لو انت هناك هاتعمل ايه مفيش غير انك تعيش كدا
اويطردوك بره القبيله وتعيش منبوذا فى الكهوف زى الراجل بتاع مملكة
الخواتم.

محدش يعرف ازاى ستات قبيلة (ميناروا)قدروا يتحكمو فى رجالتهم بالشكل ده لكن اللى لازم تعرفوه ان ممكن الستات تعمل كدة

فإنت لو متخيل نفسك راجل البيت انت مالكش

اى فضل فى الموضوع ده غير ان نوعك ذكر لكن الستات بتوع قبيلة (ميناروا) عملو كده بنفسهم وبقوا هما الرجاله

م الاخر عمر الراجل ما كان بالشنب او الشكل

الراجل اللى بجد هو الراجل فى تصرفاته وتعامله مع الناس