رب رمضان هو رب كل الشهور

جارتي بنت حلوة
بس خسارة وبدون عتاب
هل الشهر المبارك
شوفت جارتي بالحجاب
فرحت وانشرح قلبي
وقلت اكيد دعاء واستجاب
وسألت وقلت يا جارتي
حجابك زادك جمال زادك انجذاب
قالت حجابي دة لوقته
يعدي الشهر المستجاب
وتلاقيني بدون حجاب
قلت ياالله - يارب كل العباد
أأنت موجود بالشهر المستجاب
وباقي الشهور ربها عنها غاب ؟؟؟

اتصلت بصاحبة تانية
كان معاها كول تون
لقيت تليفونها رن وما سمعت ولا تون
ردت وقلت فينك
فين نغماتك يا نور العيون
فالت دة الشهر الكريم
ما ينفع فيه الجنون
جنون حب الأغاني
وحب وضع الكول تون
قلت يا الله يارب العباد
أأنت موجود بالشهر الميمون
وباقي الشهور ربها عنها ما يكون ؟؟؟؟

وفي رمضان كل المساجد مليانه
مليانة في كل مكان وأوان
اصل دة شهر الآذان
لازم العبادة فيه تكون أكتر من زمان
وبعد الشهر يرجع كل شئ كما كان
قلت يا رب العباد
أأنت موجود في شهر القرآن
وباقي الشهور ربها عنها ما يبان ؟؟؟؟؟

ودة راجل ماشي يقول
ما اشتم ولا اسب في الشهر الكريم
وبعد الشهر يرجع تاني مخلوق لئيم
والكل عنه يقولوا دا ما يقدر يستقيم
إلا لما يهل الشهر الحليم
قلت ياالله يارب العباد
أأنت موجود بالشهر الكريم
وباقي الشهور الخير فيها ما يديم ؟؟؟؟؟؟

بالشارع تلقى بنات جمال رباني
لا احمر ولا اخضر ولا لون حياني
وبعد رمضان كل شئ سياني اه ياني
اه ياني من عبادك اللي خلوا كل شاب في الشارع يعاني
يعاني من شوفتكم اللي لها كتير معاني
دي لابسة ضيق ودي شفاف
عيب عليكي ياسوزان يا أمل ياعفاف
عيب ياكل بنت تلبس وتعري الكتاف
وتقول لكل واحد شوف اللي ما ينشاف
ويهل رمضان تلبس حشمة ووقار
ياالله يارب العباد
أأنت موجود بشهر الاستغفار
وباقي الشهور ربها عنها ما سار ؟؟؟؟؟؟؟

هو لازم نقول ونصرح ونثور
رب رمضان هو رب كل الشهور ؟؟؟؟؟؟؟؟

فعلا عندك حق رب رمضان هو رب كل الشهور
منقول للمكان المناسب الخيمة الرمضانية

لو اتقال لي السؤال دة كنت هرد بكلمة واحدة

وبدون ان اختار

لا تعليق

لان مفيش خيانة صعبة وخيانة سهلة

الخيانة خيانة في كل مكان ومع اي حد

اشكرك

جزاء الله خيرا توبك جميل

شكرا للموضوع الجميل